家福會聯同一路青空，攜手創作嘅全港首個「調解互動劇場」，終於喺8月27日順利完成演出啦！
《調解教育劇場之海陸空奇遇記》由一路青空嘅演員，同14位和諧大使小演員一齊演出，個個都精靈醒目，身懷絕技，上天下海無所不能，仲跨越沙漠、穿梭太空、游向深海執行任務，解決各式各樣嘅衝突。
當日表演節奏明快、現場氣氛熱烈，所有觀眾包括家長同小朋友都好投入，仲好積極參與互動環節，從戲劇同遊戲中學習調解技巧添。
我哋首次嘗試用劇場形式推廣調解，各方嘅反應都非常好！小演員喺排練嘅過程不知不覺就學識咗調解嘅知識同技巧，仲喺屋企分享埋俾爸爸媽媽，全家人一齊運用調解化解日常生活嘅衝突添！觀眾就覺得劇場別開生面，可以好輕鬆同容易就明白調解嘅意義、學識簡單嘅調解技巧。呢個就係我哋最想見到嘅效果。
演員及後台人員名單
導演及課程導師：郭穎東
編劇及演員：馬嘉儀
演員：杜比、嚴曉晴、陳彥羲
佈景設計：Busymama@Busyart
燈光設計︰王晉希
舞台監督及執行舞台監督：楊淑雯
助理舞台監督：陳祖儀
行政：鄭善彤、劉頌呈
故事簡介
「家福特工隊」一直以「家家幸福，人人快樂」為目標，走入不同社區，為不同的人解決不同的問題。
有一天，家福隊長突然收到很多求助訊號，於是召集家福小隊，並指派他們去到各處進行任務。過程中到底各位家福隊員遇到什麼問題？他們會用什麼解決方法？最後又能否成功完成任務呢？
媒體報導
【家福會全港首個調解互動劇場 讓小朋友從快樂中學習處理衝突】(經濟日報 2024-09-16 09:20:00)：
【【家庭關係】全港首個調解互動劇場 促進親子溝通】(教育王國 2024-09-30)：
